الفيض التاسع
أيوة انا بأنكر
-----------
ايوة باحبك عمرى ما بأنكر
أيوة بعادك شادد قلبى
وجع العشرة بينخر فيا
الم الكدبة بيدبح نبضى
شريان حب حفرته بيدى
جوة ملامحك... ساكن نبضك
واما مرايتك وقفت بينا..جاى بتنكر!!
ايوة باحيك..عمرى ما حأنكر
وان كان قلمك جارر حرفى
زى النيل ما ف أرض بيسرى
ريشتك شايلة لحبرك دمى
تكتب.. تبدع...حتى بتكدب
تشكيل حرفك حامل اسمى
وَحيَك لسه صورته مرايتى..إياك تنكر..
أيوة باحبك..عمرى ما بانكر
وقف النبض وسكن الحرف
لما العذب خلطه المالح
حاجة رهيبة بتفصل بينهم
حتى العشق ما بيلضمهم
تقولش هٌداه.... بيضللهم
نور الفجر سارح بيهم
لكن ليلهم ...لابـِد فيهم
حاجة غريبة...حب معافر
حتى وهو بيلفظ نفََسه.. حب مكابر
حبنا باير ......من غير زرعة
نشف النيل ما بيملى الزلعة
وفضلت صورة بعيدة وباهتة
وقت غروب الشمس الرايحة
ترسم لوحة ف صفحة عينّا
تلخص روحنا ف آهة ودمعة
ودى آخرتنا......تقدر تنكر؟
يا ريتك تقدر......
داليا
الجمعة 24 نوفمبر 2006
أيوة بعادك شادد قلبى
وجع العشرة بينخر فيا
الم الكدبة بيدبح نبضى
شريان حب حفرته بيدى
جوة ملامحك... ساكن نبضك
واما مرايتك وقفت بينا..جاى بتنكر!!
ايوة باحيك..عمرى ما حأنكر
وان كان قلمك جارر حرفى
زى النيل ما ف أرض بيسرى
ريشتك شايلة لحبرك دمى
تكتب.. تبدع...حتى بتكدب
تشكيل حرفك حامل اسمى
وَحيَك لسه صورته مرايتى..إياك تنكر..
أيوة باحبك..عمرى ما بانكر
وقف النبض وسكن الحرف
لما العذب خلطه المالح
حاجة رهيبة بتفصل بينهم
حتى العشق ما بيلضمهم
تقولش هٌداه.... بيضللهم
نور الفجر سارح بيهم
لكن ليلهم ...لابـِد فيهم
حاجة غريبة...حب معافر
حتى وهو بيلفظ نفََسه.. حب مكابر
حبنا باير ......من غير زرعة
نشف النيل ما بيملى الزلعة
وفضلت صورة بعيدة وباهتة
وقت غروب الشمس الرايحة
ترسم لوحة ف صفحة عينّا
تلخص روحنا ف آهة ودمعة
ودى آخرتنا......تقدر تنكر؟
يا ريتك تقدر......
داليا
الجمعة 24 نوفمبر 2006
5 comments:
وفضلت صورة بعيدة وباهتة
وقت غروب الشمس الرايحة
ترسم لوحة ف صفحة عينّا
تلخص روحنا ف آهة ودمعة
جميلة اوى الصورة دى يا داليا
تحياتى ويا ريت متتأخريش علينا
تحفة ي داليا
تجنن وكلامها بسيط ومعبر
اسلوبك كمان راقى أوى
تحياتى
داليا ...بجد انا بشكر الصدفة الحلوة اللى حطت بيا بالمدونة الجميلة
دى ...أحيكى على الكلام الرقيق اللى بيدل عل شخصية رقيقة ....تحياتى
يا سيدي يا سيدي على الاحساس
كلماتك فعلا عاكسة شخصيتك يا دكتورة
لما الكلمات و الحروف بحس بيها سلسة و مترابطة و جاية ورا بعضها بتجري
بحس اد ايه الاحساس نعمة
ربنا يكرمك
أعزائى
كل من مر بالمدونة وترك تعليقا بعد القصيدة
أشكركم جزيلا على المرور والإهتمام بالتعليق
وأعتذر عن توقف ى عن الكتابة طوال الفترة السابقة
من اعماق قلبى اشكركم
حقيقى هناك كلمات تصنع يومك وتملأه إشراقا
Post a Comment